Berrurbanizazio bat izanik, azpiegitura publikoak berritzea eta handitzea aurreikusten du, bai eta zoruak eta zoladurak berritzea ere, indarrean dagoen irisgarritasun-araudia Zumarragako goiko auzoetan ere bete dadin: Jose Maria Busca Isusi kalea, 3-8. Obra honetan nabarmendu behar da komunitateen atzeko aldeetan beharrezkoak diren eraispenak eta afirmatuak aprobetxatzen direla inguru horretan dauden sotoko forjatuak berriro iragazgaizteko, eta ezpondatik datozen ur interstizialetarako drainatze-sare bat sortzeko. Luzetarako eta zeharkako malda berriak sortzen dira poliespanezko blokeak erabiliz -urak behar bezala biltzeko asmoz- erdisotoen egituran gainkargarik sor ez dadin, eta baldosa mikrofibraz armatutako morteroarekin finkatzen da. Zolata berriak egingo dira sotorik ez dagoen lekuetan, eta 40x40cm-ko baldosa granitikoarekin amaituko da, dagozkion moldurekin, Udalaren lehentasunen arabera. Eskailerak ere berritzen dira, irisgarritasunari buruzko araudia betetzeko moduan ahokatuz, eta eskaileren alboetan dauden harlangaitz-hormak mantenduz. Azkenik, asfaltatu eta bide-seinaleak margotu ondoren, hiri-altzariak jarri dira, batez ere barandak, araudiaren arabera.