2014an, Zumarragako Antioko baselizaren ondoan interpretazio-zentro bat eraiki zen, udalerriari balioa ematen ziona, bai eta udalerria historikoki identifikatzen zuten beste alderdi batzuk ere. Bi eraikinen artean -Antio eta interpretazio zentroa-, Beloki mendia inguratzen duen bidezidor biribil bat hasten eta amaitzen da, gerriko gisa. Bertatik, herriaren eta eskualdearen ikuspegi pribilegiatuak ikus daitezke. Eremu berean bi kontzeptu desberdin -paseoa eta historia- elarrekin bizi direla aprobetxatuz, kontzeptu berri bat sortzen da, bi alderdiak batzen dituena: "historian zeharreko paseoa". Horrela, Antio-Beloki paisaia-ibilbidea interpretazio-zentroaren beste areto bat bezala jaio zen, aire zabalean, non lau begiratoki eraikitzen diren ibilbideko puntu estrategikoetan, ikuspegiak hobeak diren horietan, eta begiratoki bakoitza Zumarragako historiaren alderdi identifikatzaile eta esanguratsuenekin ezaugarritzen da.
1_ Legazpi Dorretxea: Udalerriko eraikinik enblematikoenetako bat da, bere garrantzi arkitektonikoagatik eta, batez ere, sozial eta historikoagatik. Jatorrizko eraikinaren fatxadan dagoen egurrezko egituraren bidez errepresentatzen da.
2_ Saskigintza: Begiratoki perimetratu bat sortzen da trabesekin, espazio bat sortuz, eta espazio horren barruan zoladuraren tonua gainerako ibilbidearenarekin kontrajartzen da. Ingurune horren barruan, akazia-banku bat eta tokoi bat daude. Tokoiari lotuta, informazio-panel bat dago, Zumarragako ihiaren filaturaren protoindustriaren garrantzia azaltzen duten argazki eta testuekin. Multzoarekin batera 4 saski handi daude, loreontzi modukoak, eta bertan landatzen da saski horiek egiteko erabiltzen zen ihia.
3_ Antio: Ibilbidearen erdian estalitako gune bat sortzeko funtzionaltasunetik, Antioko baselizari eta haren inguruari eskainitako gune bat jaiotzen da. Zurezko egitura duen etxola bat eraiki zen, Antioko ''alderantzizko ontzi'' baten formako estalkia gogora ekarriz. Estalki hori ere teilaz amaitu zen, jatorrizko eraikinaren antzera. Azken horri beste hainbat keinu ere egin zitzaizkion, hala nola harrizko fatxadaren abioa edo atearen arkibolta gotikoak, kanpaiari eusteko elementuan jarriak. Etxolaren ondoan piknik-mahai bat dago, Antio baseliza inguratzen duten mahaiei erreferentzia eginez, non Santa Isabel jaia ospatzen den. Multzo osora harrizko lauzazko bidezidor batera daraman trabeses egindako eskailera batetik iristen da. Bide horretatik, Antiori dedikatutako esparru horren informazio-panelak eusten duen tokoia aurki daiteke, non Antioko historia azaltzen den.
4_ Metalaren industria: Metalaren industriak hartu zion lekukoa zumearen protoindustriari, eta leherketa demografikoa ekarri zuen udalerrirako. Lurretik ateratzen diren korten-altzairuzko panelen bidez irudikatzen da, zurezko trabesez perimetratutako eremu batean, ikatz beltzez beteta dagoena. Multzoa profil metalikodun egitura duen banku batek osatzen du, eta dagokion informazio-panelak akaziazko tokoian jarrita.
5_ Trenbidea: Udalerriaren industria-bilakaeraren bultzatzaile nagusia da, eta garrantzitsua, hiru trenbide desberdin batera bizitzeraino, herri berean. Horietako identitarioena Urolako Trenbidea da, begiratoki hau eskaintzen zaiona. Multzoa osatzen duten 3 elementu daude: erdian lorategi eliptiko bat dago, korten-altzairuzko xaflez inguratua, ikatzez betea eta trenbide zati batez koroatua, trabesez, errailez eta balastoz egindakoa. Ezkerrean, zurezko hesi moduko bat jartzen da, eta, bertan, Urola trenaren ohiko bagoiaren alboko altxaera emulatzen da. Elemento horrek Irimo mendiaren gailurreko ikuspegi nagusia markoztatzen du. Multzoaren eskuinaldean, banku bat dago, Urola trenaren bankuen estetika gordetzen duena, eta bankuaren atzealdean ere Urola trenaren bagoiaren altxaera antzeman daiteke. Beste eremuetan bezala, bertako informazio-panela akaziazko tokoi batean jarrita agertzen da.
