Lokarria ikur identitarioa da Zumarragan; hain da horrela Azokako markaren logotipo bihurtu dela. Historikoki, lokarriak garrantzi handia izan du zumearen ehunean, bere aldi protoindustrialean, Antioko baselizako zurezko habeen loturan... eta, kasu honetan, hainbat belaunaldiren artean; izan ere, lokarri forma erabiltzen da aisialdirako gune bat sortzeko, non zentro gerontologikoan bizi direnak familiakoekin eta maskotekin elkartu daitezkeen, tarteko espazio batean. Lokarri moduko oinplanoko forma organikoak egoiliarren gurpil-aulkien joan-etorria errazten du, eta zentrotik hurbilen dagoen espaziotik urrundu gabe paseatu ahal izango dute. Diskurtso hori poema moduan jasotzen da, ibilbidearen puntetako batean bertikalki jarritako trabes batean.