Zumarragako goiko auzoetan dagoen obra honek bi arrazoi nagusi ditu: batetik, inguruan dauden bide-zoruen eta lerrokaduren egoera txarra, eta, bestetik, irisgarritasunik eza eskaileren bidez iritsi beharreko etxebizitzetan. Gainera, saneamendu-sareak eta euri-uren sareak, orain arte bateratuak, hainbat jario eta buxadura dituzte. Lurzoruaren maldak ez dira zuzenak eta, ondorioz, zenbait ataritara ura sartzen da. Lehenik eta behin, beharrezko eraispenak egiten dira, eta saneamendu-sistema bereizia sortzeko beharrezkoak diren zangak hondeatzen dira; aldi berean, udal-argiteriaren kanalizazioa berritzen eta zabaltzen da. Zangak estali ondoren, zoruan dauden hondoratzeak konpontzen dira eta hormigoizko zintarri aurrefabrikatuarekin lerrokadura berriak ezartzen dira. Arrapalak egiten dira eskaileretatik iristen diren etxebizitzetarako irisgarritasuna errazteko, eta zolataz eta baldosa-akaberaz konpontzen dira etxebizitzetarako sarbide guztiak, euri-urak jasotzeko maldak behar bezala aztertuz, ura behar bezala biltzeko. Azkenik, dagoen asfaltoaren gainean asfaltatzen da, hondakinen kudeaketa gutxituz eta asfaltozko geruza indartuz, horrela hondoratzeak saihestu ahal izateko. Finkatze-lanak amaitu ondoren, lorategiak profilatu eta rotabateatu egiten dira, behar den ereitea egiten da eta beharrezko hiri-altzariak jartzen dira.